أول مرحلة طبعا هي إختيار المشروع لي باغي تشري منو وهنا كل واحد حسب الإختيار ديالو لكن طبعا هناك عوامل لي كاتأثر فإختيار الموقع من بينها قرب مكان العمل أو قرب العائلة ومسقط الرأس أو شي منطقة معينة كاتعجبكم، وبالتالي لازم تكون عارف السبب لي يخليك تختار موقع المشروع لي تشري منو
نتكلمو كذلك على مسألة مهمة كاتوقع بزاف وهي مني كانلقاو شي مشروع عجبنا فالشكل ديالو وجودة البناء ديالو لكن جا بعيد على مكان العمل أو بعيد على مركز المدينة، هنا نقدر نقوليك أنه لازم تفكر على المدى المتوسط والبعيد وتكون عندك رؤية حول مستقبل موقع المشروع، مثلا غادي يكون قرب مرافق جديدة ومتعددة، أو غادي يكون فمدينة جديدة تبعد على الزحمة والعرقلة ديال المدينة.
حاجة أخرى جد مهمة وهي الشركة لي تشري منهم لي لازم ترد البال تفاديا لأي عملية نصب وبالتالي حاول تفادى أي شركة ماكاتعاملش بالعقد وتفادى الشركة لي كاتعامل بالدفع نقدا وأكيد من خلال مكتب البيع والموظفين ديالو غادي يخليو ليك إنطباع إلى كان إيجابي توكل عالله كان سلبي (هرب) هههه
ماتنساوش السمعة ديال الشركة والتاريخ ديالها من خلال المشاريع السابقة إلى كانو عندها، هادشي لا يعني ماتشريش إلا من عند الشركات القديمة، ولكن لازم تبحث من عندمن غادي تشري.
هنا نقدر نقوليك مرحبا بك فالموقع لي من خلالو غادي تلقا مجموعة من المشاريع الموثوقة و المتنوعة والمتعددة لي أكيد غادي تلقا فيها المشروع لي غادي يعجبك.
=======================================
شكرا لأنك قريتي إلى النهاية، ماتنساش تشارك الموضوع مع الأصدقاء ديالك وتابعنا على الصفحة بالفيسبوك 😉
إرسال تعليق