مراحل تسليم مفاتيح الشقة تختلف من شخص لآخر لكن يمكن تقسيمها في الغالب لنوعين على حسب طريقة الدفع إما نقدا يعني كاش أو شراء الشقة عن طريق السلف.
نبداو بصحاب السلف،
من بعد طبعا إختيار الشقة ويكونوا الوثائق واجدة من عند صحاب المشروع، يعني الرسم العقاري ورخصة السكن، هنا كانمشيو عند المكتب لي شريتو من عندو باش يوجهوكم عند الموثق المعتمد لي كايشتاغلو معاه أو كايخليو ليكم إختيار موثق على حسب سياسة الشركة لي شريتو من عندها
الموثق كايوجد ليكم الوعد بالبيع لي كايحتاجو البنك لي غادي تسلف منو ... طبعا خاص تكونو سبق ليكم إختيار مؤسسة بنكية لي غادي طلب منكم الوثائق اللازمة ومن بينها الوعد بالبيع لي عطاكم الموثق
كاتساينو البنك يكمل خدمتو من بعد كايعطيكم عقد السلف لي من بعدو كايخرج ليكم سواء شيك أو البنك كايقوم بتحويل المبلغ للموثق مباشرة
فهاد المرحلة الموثق من بعد مني كايتسلم مبلغ السلف كايعطيكم عقد البيع النهائي من أجل الإمضاء
هنا الموثق خاصو يكون دفع لإدارة الضرائب باش تستافد من الإعفاء الضريبي
فهاد المرحلة إما الشركة تسلمك المفاتيح أو كاتساين الموثق حتى يتسلم مبلغ الدعم من إدارة الضرائب، على حسب سياسة الشركة
صحاب الخلاص كاش راه نفس المراحل كايدوز منها الملف ديالكم فقط حيدو مرحلة البنك
ملاحظة: الوقت مابين كل مرحلة لا يمكن حسابه لأن كل شركة وبنك وموثق له طريقة في العمل وكذلك مؤسسات الدولة بحال إدارة الضرائب والتسجيل وكذلك المحافظة العقارية، لكن نقدر نقوليكم مدة شهرين معدل تحتاجوه مابين البنك والموثق باش تسلم المفاتيح ديالكم.
=======================================
شكرا لأنك قريتي إلى النهاية، ماتنساش تشارك الموضوع مع الأصدقاء ديالك وتابعنا على الصفحة بالفيسبوك 😉
إرسال تعليق